МУЪҶИЗА МЕХАРАМ
Духтарчаи ҳафтсолае аз хоб бедор шуд ва шунид, ки падару модараш бо ҳам дар хусуси бародари хурдакакаш сӯҳбат доранд. Бародараш хеле зиёд бемор буд ва рӯз аз рӯз беморияш авҷ мегирифт, аз ин рӯ ҳамвора заъифу лоғартар мешуд. Аз сабаби номусоидии вазъи иқтисоди падару модараш наметавонистанд ҳазинаҳои дармонро пардохт кунанд.
Духтарча гӯшҳояшро тез кард, то бибинад, ки падару модараш чӣ мегӯянд.
Падар гуфт: харҷу махориҷи ҷароҳияш хеле зиёд аст ва мо наметавонем, ки онро пардохт намоем.
Модар бо чашмони ашколуд ва овози хаставу ранҷур гуфт: Вале тӯмор дар мағзи сараш рӯз то рӯз калон мешавад. Ман тоқати дидани ранҷу заҳмати ҷигарбандамро надорам ва агар коре накунем фарзандамонро аз даст медиҳем.
Падар бо садои хаста гуфт: Медонам, аммо ҳоло танҳо мӯъҷиза метавонад фарзандамонро наҷот диҳад.
Дар ин миён фариштаи кӯчаку поктинат аз рахти хоб бархест ва ба сӯи кӯзачаи пулҳояш шитоб кард. Кӯзачаро бигирифт ва ҳамаи пулҳояшро рӯи замин рехт. Ба худ гуфт: Худои ман ин пулҳо чиқадар зиёд аст! Ҳатман бо ин миқдор метавонам мӯъҷиза харидорӣ намоям. Пулҳоро ба киссааш рехт ва ба сӯи дорухона роҳ пеш гирифт.
Дар дорухона муддате назди оинаи доруфурӯшӣ мунтазир монд... бо поҳояш садо баровард ва чандин маротиба сулфа кард... аммо ҳеҷ посухе нагирифт. Билохира бо як сиккае ба шишаи пешхонӣ зад ва бо овози баланд гуфт “бубахшед”!
Доруфурӯш гуфт: Чӣ мехоҳӣ?
Фариштаи кучак гуфт: Як мӯъҷиза, диҳед.
Доруфурӯш гуфт: чи?
Фариштаи кучак гуфт: Як мӯъҷиза, диҳед.
Доруфурӯш гуфт: мӯъҷиза мехоҳӣ азизам, барои чӣ?
Фариштаи кӯчак гуфт: додаракам бемор аст ва як чизе дар мағзи сараш рӯз аз рӯз калон мешавад. Падарам мегӯяд фақат мӯъҷиза метавонад ӯро наҷот диҳад. Ман тамоми пулҳоямро овардам то барояш мӯъҷиза бихарам.
Доруфурӯш гуфт: азизам бубахш, ки кӯмакат карда наметавонам, мо инҷо мӯъҷиза намефурӯшем.
Чашмони духтарча пур аз ашк гардид ва гуфт: аммо додаракам мемирад, ба хотири Худо як мӯъҷиза ба ман диҳед... ногаҳон дасте мӯйҳои духтаракро навозиш карду ва садое гуфт: чӣ қадар пул дорӣ?
Духтарча ҳамаи пулҳояшро аз кисса бароварду ба ӯ дод. Ӯ пулҳоро шумурд ва гуфт: Худоё! Бо ин тангаҳо мӯъҷиза харида мешавад ку. Сипас дасти духтаракро гарму самимӣ гирифту гуфт маро хонаатон бибар, то биубинам оё метавонам барои додаракат мӯъҷиза таҳия кунам?
Падари кӯдак баробари кушодани дари хона духтарчааш ва мардеро дид. Мард---- салом алейкум ман табиби ҷарроҳии мағзу асаб Одиназода Фирӯз. Мумкин аст беморо бубинам.
Он шахс табиби мутахасиси ҷароҳии мағзу асаб буд, ки он рӯз барои хабаргирии бародараш ба дорухона омада буд.
Пас аз ду рӯз ҷарроҳи бе пардохти маблағи зиёдати анҷом шуд. Пас аз муддате кудак сиҳату саломат ба оғӯши гарми хонаву кошона баргашт. Имону боварии духтарча бародарашро наҷот дод
Дӯсти ман Ману ту низ метавонем мӯъҷиза бихарем, мӯъҷиза бифурӯшем, мӯъҷиза кунем агар ба ёд дошта бошем, ки инсон ҳастем ва Худое ҳам ҳаст, ки ҳеҷ амалеро бе подош намегузорад!
филми кӯтоҳи тарбияви.2021
филми точики
Филми точики2020
-
категория
Комментариев нет